Advertisement Contact

வீடுகளிலேயே இருங்கள் தமிழில் எச்சரிக்கை விடுத்த மலேஷிய போலீஸ்.

மலேஷியா, போலீஸ், தமிழ், கொரோனா, கொரோனாவைரஸ், corono, coronavirus,malaysia, police
கோலாலம்பூர்: கொரோனா வைரஸ் அச்சுறுத்தல் காரணமாக, மக்கள் யாரும் வீட்டை விட்டு வரக்கூடாது என பொது மக்களுக்கு போலீசார் தமிழில் எச்சரிக்கை விடுத்துள்ளனர். இந்த வீடியோ சமூக வலைதளங்களில் பரவி வருகிறது.

மலேஷியாவிலும் கொரோனா வைரஸ் பரவி வருகிறது. பாதிக்கப்பட்டவர்களின் எண்ணிக்கை தொடர்ச்சியாக அதிகரித்து வருகிறது. இது அந்நாட்டு மக்கள் இடையே அச்சம் ஏற்பட்டது. இதனையடுத்து பொது மக்கள் நடமாட்டத்திற்கு கட்டுப்பாடுகள் விதிக்க வேண்டும் பல தரப்பினர் வேண்டுகோள் விடுத்தனர். இது தொடர்பாக அந்நாட்டு பிரதமர் மொகிதின் யாசின் அதிகாரிகளோடு ஆலோசனை நடத்தினார். இதன் முடிவில் கடந்த திங்கட்கிழமை அன்று டிவி மூலம் உரையாற்றிய அவர், கொரோனா தொற்றை தடுக்கநாடு முழுவதும் பொது மக்கள் நடமாட்டத்திற்கு தடை விதிக்கப்படுவதாக தெரிவித்தார்.

இதனையடுத்து, போலீசார் பல்வேறு இடங்களில் பொது மக்களை வீட்டை விட்டு வெளியே வர வேண்டாம் என மைக் மூலம் எச்சரித்து வருகின்றனர். தமிழர்கள் வசிக்கும் பகுதிக்கு சென்ற போலீசார், மக்கள் வீடுகளிலேயே இருக்கும்படி தமிழில் கூறினர். இது குறித்து வீடியோ சமூக வலைதளங்களில் பரவி வருகிறது.

அந்த வீடியோவில் போலீசார் கூறியுள்ளதாவது:வணக்கம், பொது மக்களின் கவனத்திற்கு... நச்சுறுதி தொற்று தடுப்பு சட்டத்தின் கீழ் பொது மக்கள் அனைவரும் தத்தம் வீட்டிலேயே இருக்குமாறு அறிவுறுத்தப்படுகிறீர்கள். இச்சட்டம் மார்ச் 18 முதல் மார்ச் 31 வரை அமலில் இருக்கும். சட்டத்தை பின்பற்றதவறினால், பின்வரும் சட்டப்பிரிவு 7 ன் கீழ் தண்டிக்கப்படுவீர்கள். ஆயிரம் ரிங்கிட் அபராதம். அல்லது 6 மாதம் சிறை அல்லது இவை இரண்டும் விதிக்கப்படும். பொது மக்கள் தத்தமது வீடுகளிலேயே இருப்பது சாலச்சிறந்தது. நன்றி. இவ்வாறு அந்த வீடியோவில் தெரிவித்துள்ளனர்.