Advertisement Contact

ராகுவைப் போல் கெடுப்பவனும் இல்லை, கேதுவைப் போல் கொடுப்பவரும் இல்லை,

ஜோதிடத்தில் நவகிரகங்கள் அடிப்படையாக பார்க்கப்படுகிறது. அதில் ராகு - கேது என்பவை நிழல் கிரகங்களாக பார்க்கப்படுகிறது. ராகு கேது என்பது யார், அவர்கள் எப்படிப்பட்ட பலன்களை தருவார்கள், வாழ்வில் எப்படிப்பட்ட மாற்றத்தைக் கொடுப்பார்கள். நாம் நல்ல பலனைப் பெற என்ன செய்ய வேண்டும் என்ற பல கேள்விகளுக்கு இங்கு பதிலைக் காண்போம்..
 
ஜோதிடத்தில் நவகிரகங்கள் அடிப்படையாக பார்க்கப்படுகிறது. அதில் ராகு - கேது என்பவை நிழல் கிரகங்களாக பார்க்கப்படுகிறது. ராகு கேது என்பது யார், அவர்கள் எப்படிப்பட்ட பலன்களை தருவார்கள், வாழ்வில் எப்படிப்பட்ட மாற்றத்தைக் கொடுப்பார்கள். நாம் நல்ல பலனைப் பெற என்ன செய்ய வேண்டும் என்ற பல கேள்விகளுக்கு இங்கு பதிலைக் காண்போம்..

நம் கர்மாவில் மிக முக்கிய பங்கு கிரகங்களுக்கு உண்டு. நாம் பிறக்கும் போது அந்த நேரத்தை வைத்து தான் நம் ஜாதகம் கணிக்கப்படுகிறது. அதில் நவகிரகங்களின் அமைப்பைப் பொறுத்து நம் எதிர்கால பலன்கள் அமைகிறது.

மற்ற கிரகங்களைப் போல நிழல் கிரகம் எனப்படும் ராகு - கேது ராசியில் ஆட்சி செய்வது கிடையாது. இருப்பினும் சூரியனைச் சுற்றும் பூமியின் சுற்றுப்பாதையும், பூமியை சுற்றும் சந்திரனின் சுற்றுப்பாதை ஆகியவற்றின் கிரகணப் புள்ளிகள் பெரிய தாக்கத்தை ஏற்படுத்தக் கூடிய சக்தி வாய்ந்தது. ராகு - கேது வரக் கூடிய இடம் நம் வாழ்வில் கர்மா வேலை செய்யக் கூடிய இடமாகிறது.

ராகு கேது உருவான கதை :

ஒரு முறை தேவர்களுக்கும், அசுரர்களுக்கும் இடையே கடுமையான போர் ஏற்பட்டது. இருபுறமும் பலத்த இழப்பு ஏற்பட்டது. இருப்பினும் யாரும் வெற்றி பெற முடியவில்லை. இழப்பு மட்டும் அதிகரித்தவண்ணம் இருந்தது.

ராகு கேதுவால் அந்தஸ்தும் செல்வாக்கும் எப்படி அமைகிறது?

இதையடுத்து தேவர்கள் சிவபெருமானிடம் முறையிட, நீங்கள் விஷ்ணு பகவானிடம் கேட்டால் நல்ல தீர்வு கிடைக்கும் என்றார். அவர்கள் மகா விஷ்ணுவிடம் செல்ல, நீங்கள் பாற்கடலைக் கடைந்தால் அமிர்தம் கிடைக்கும் என்றார். ஆனால் அது உங்களால் மட்டும் முடியாது. அசுரர்களின் பலமும் சேர்ந்தால் மட்டுமே சாத்தியம் என்றார். தேவர்கள் அசுரர்களிடம் இதை சொல்ல அவர்கள் ஓப்புக் கொண்டனர். பாற்கடலைக் கடைந்து அமிர்தத்தை எடுத்தனர். ஆனால் அசுரர்கள் அதை தேவர்களுக்கு கொடுக்கக் கூடாது என அமிர்த கலசத்தை அபகரித்தனர்.

அசுர்கள் அமிர்தத்தை அருந்தினால் சாகா வரம் பெற்று அவர்கள் மேலும் பல கொடுமைகளை செய்ய ஆரமித்துவிடுவார்கள் என நினைத்த விஷ்ணு மோகினி அவதாரம் எடுத்து அவரின் அழகால் அசுரர்களை மயக்கி இருவருக்கும் அமிர்தத்தைப் பிரித்து கொடுப்பதாக கூறினார்.

ஒருபுறம் தேவர்கள், மறுபுறம் அசுரர்கள் இருந்தனர். தேவர்களுக்கு மட்டும் மோகினி அமிர்தத்தைக் கொடுக்க, அசுரர்களுக்கு வெறும் பாணம் கொடுத்தார். ஆனால் அசுரர்கள் அதை கவனிக்காமல் மோகினியின் அழகில் மயங்கி இருந்தனர்.

இருப்பினும் அதிலிருந்து ஒரு அசுரன் என்ன நடக்கிறது என்பதை சரியாக கவனித்தார். அவன் தேவர்களைப் போல தன்னை மாற்றைக் கொண்டு, தேவர்கள் பக்கம் சென்று அமர்ந்து அமிர்தத்தைப் பருகினான்.

இதை தெரிந்து கொண்ட சூரியன் சந்திரன் மகாவிஷ்ணுவிடம் சொல்ல அவர் தன் சுய வடிவிற்கு திரும்பி சுதர்சன சக்கரத்தை விட்டு அசுரனின் தலையையும், உடலையும் துண்டாக்கினார்.

இருப்பினும் அமிர்தத்தை குடித்துவிட்டதால் அழியா வரம் கிடைத்திருந்தது. சுதர்சன சக்கரத்தால் வெட்டப்பட்ட உடல் இல்லாத தலைப் பகுதி ராகு என்றும் தலை இல்லாத உடல் பகுதி கேது என புராண கதை கூறுகிறது.

ஒருவரின் ஜாதகத்தில் ராகு - கேது அமைந்திருக்கும் இடத்தைப் பொறுத்து அவர்களுக்கு அந்தஸ்தும், செல்வாக்கும் எப்படிப்பட்ட பலன்கள் கிடைக்கும், அவர்கள் எப்படிப்பட்ட தொழிலில் இருப்பார் என்பதைப் பார்ப்போம்...

ஒருவருக்கு அந்தஸ்தும் செல்வாக்கும் ஏற்பட நவகிரகங்களில் ராகு கேது தான் அதிக பங்கு வகிப்பதாகக் கருதப்படுகிறது. அதுகுறித்து இங்கு பார்ப்போம்...

ராகு :
ஒருவரின் ஜாதகத்தில் அடுத்தவரின் மனதை புண்படுத்தக் கூடிய பேச்சு, சூதாட்ட குணம், வெளிநாட்டவருடன் அதிக தொடர்பு உள்ள தொழில், ஆராய்ச்சியாளர், மின்சாரம் தொடர்பான புதிய பொருளை கண்டுபிடிப்பவர், ஏமாற்றும் குணம், அரசுக்கு விரோதமான செயல்கள், தொழில் செய்தல் போன்றவற்றில் ஈடுபட்டுள்ளவர்கள் ராகுவால் பாதிக்கப்பட்டவர்கள்.


அப்படி மிக மோசமானவர்கள், திடீரென பல மாற்றங்கள் பெற்று நல்லவர்களாக மாறுவதோ அல்லது பொன், பொருள், புகழ் என அனைத்தையும் திடீர் எனப் பெறக்கூடிய, அந்தஸ்தைப் பன்மடங்கு பெறக்கூடிய நிலையை உருவாக்கக் கூடிய தன்மை ராகுவுக்கு உண்டு.

கேளப்பா யின்னமொரு புதுமை கேளு
கனமான கரும்பாம்பு கேந்திர கோணம்
ஆளப்பா அத்தலத்தோன் சுபரை கூட
அப்பனே சேர்ந்தாலும் கண்ணுற்றாலும்
சீராப்பா ஜென்மனுக்கு யோகம் மெத்த
சிவசிவா கிளர்யோகம் திடமாய்செப்பு
கூறப்பா குடிநாதன் சேர்ந்து நிற்க
குமரனுக்கு அனுதினமும் பலனைக்கூறே
-புலிப்பாணி

கரும்பாம்பு என்னும் ராகு ஜாதகத்தில் கேந்திரமான 4-7-10 இடங்களில் அல்லது திரிகோண ஸ்தானமான;1-5-9-ல் பலமாக இருந்தாலோ அல்லது சுப கிரகங்களின் பார்வை பெற்றிருந்தாலோ. அந்த ஜாதகர்க்குச் சிறப்பான ராஜயோகம் தரும். அவர்களுக்கு இலக்கினாதிபதியை வைத்து பலன் கூற வேண்டும் என்பது விதி.
சிவனின் அருளால் இந்த திடமான நல்ல யோக ஜாதகதாரருக்கு நல்ல ஜாதகி அமையும். இதனுடன் லக்கினாதிபதியும் இணைந்திருப்பின் நீத்தமும் நல்ல பலன் கிடைக்கக்கூடும்.

கேது :
தெய்வீகம், வைதீகத்திற்குத் தொடர்புடைய தொழில்களான மருத்துவம், வெளிநாட்டு தொடர்பு, தையல், நெசவு, பருத்து நூல் சார்ந்த தொழில், வக்கீல் போன்ற துறைகளை தொடர்புடைய தொழில்களை கொடுப்பவர் கேது எனலாம். அதோடு உடல் வலியையும், அவ்வப்போது உடல் பிணி, இம்சைப்படுதல், மோட்ச நிலையை தருவது கேது.

கேது என்பவர் யார்? அவர் எப்படிப்பட்ட பலன்களை தருவார் தெரியுமா?

கெடி ராகு கேது திருகோண கேந்திரத்தின்
குடிநாத நற்கோளை கூடித் திடனாகக்
கேந்திரத்தினற் சுபர்கள் நோக்க
நிறம்யோகஞ் சேர்ந்திருக்கஞ் செய்வார் தினம்

தீய கிரகங்களை ராகு கேது திரிகோண ஸ்தானமான 1-5-9 அல்லது 4-7-10-ல் அமைந்து, அந்த வீட்டின் அதிபதி சுப கிரகங்கள் இணைத்திருப்பின், அந்த ஜாதகருக்கு அந்த சுபர்களான கிரகங்களால் மிக நல்ல சிறப்பான யோகத்தை பெறுவார்கள்.

இவர்கள் குல தெய்வ வழிபாடு செய்து வர வாழ்வில் அனைத்து யோகங்களை பெறுவார்கள்.