Advertisement Contact

கோடீஸ்வரர் ஜாதகம் - நீங்கள் கோடீஸ்வரர் ஆக முடியுமா,

ஜாதகத்தில் எப்படிப் பட்ட அமைப்பு இருந்தால் கோடீஸ்வரர் ஆகலாம், பொருளாதாரம் உயரும் என்பதை விரிவாக பார்ப்போம்...
முதல் விதி

ஜோதிட ரீதியாக பார்க்கும் போது ஒரு ஜாதகத்தில் 2ஆம் இடம், 10ஆம் இட அதிபதிகள் எந்த அளவிற்கு பலமாக இருக்கிறார்களோ அந்த அளவிற்கு உங்களுக்கு வாழ்க்கையில் பண வரவு அதிகமாக இருக்கும் என்பது ஜோதிட விதி. இது போல சில விதிகள் உள்ளன,

முதல் விதி

ஐந்தாம் ஆம் அதிபதி (சூரியன்) எந்த ஒரு லக்கினத்திற்கும் ஆட்சியாக இருந்தால், அந்த ஜாதகர் அவரது வாழ்க்கையில் ஒரு முறையாவது கை நிறைய பணம் கிடைத்து கோடீஸ்வரர் ஆகும் நிலை உண்டு.

இரண்டாவது விதி

பதினொன்றாம் வீட்டு அதிபதி ஆட்சி உட்சமாக இருந்தால் அந்த ஜாதகர் கோடீஸ்வரர் என்ற நிலையை அடைகிறார்.

மூன்றாம் விதி

2,7,11ஆம் அதிபதிகள் கேந்திர திரிகோணத்தில் இருந்தால் அந்த ஜாதகர் நல்ல தன வரவை அடைந்து மிகப்பெரிய செல்வந்தர் என்ற நிலையை அடைகிறார்.

நான்காம் விதி

இரண்டாம் அதிபதி குரு ஆகி, 11ஆம் இடத்தில் கேது உடன் குரு அமர்ந்திருக்க, இவர்களில் யாரேனும் ஒருவர் ஆட்சி உச்சம் பெறும் போது, மிகுந்த பண வரவை அடைவார்.

ஏனென்றால் குரு கேது இணைவு என்பது விரக்தியைத் தரும். இதனால் மன விரக்தியில் அந்த ஜதகர் இருப்பார். ஏனென்றால் கேது ஞானக்காரகர், குரு என்பவர் ஜாதகர் ஆண் என்றால் அந்த ஜாதகரின் குணத்தை சொல்லக் கூடியது.

இதனால் அந்த ஜாதகர் வாழ்க்கையில் ஒரு பிடிப்பு இல்லமால் எவ்வளவு செல்வம் அடைந்தாலும், வாழ்க்கை முழுவதும் ஒரு விரக்தியிலேயே இருப்பார். என்ன தான் பணம் இருந்தாலும் அதனால் முழு மன நிறைவு, மகிழ்ச்சி இல்லாமல் இருப்பார்.


திருமணத்தால் யாருக்கு யோகம்?

ஒரு ஆண் ஜாதகருக்கு, அவரின் ஜாதகத்தில் சனி இருக்கின்ற இடத்திலிருந்து திரிகோண இடத்தில் சுக்கிரன் யாருக்கெல்லாம் இருக்கின்றதோ, அவருக்கு திருமணம் ஆகி மனைவி வந்த பின்னர், மிகுந்த பண வரவு இருக்கும். தொழில், வியாபாரம் சிறப்பாக இருக்கும். பொருளாதாரம் மிகவும் அதிகரிக்கும்.

ஏனென்றால் சுக்கிரன் என்பவர் களத்திரகாரகன், சனி என்பவர் நம் ஜாதகத்தின் தொழில், வேலையை தீர்மானிக்கக் கூடியவர், இந்த சனிக்கு திரிகோணத்தில் சுக்கிரன் இருப்பதால், வரக்கூடிய வாழ்க்கைத்துணையால் மிகுந்த பொருள், செல்வ வரவு இருக்கும்.

Also Read: சனிப்பெயர்ச்சியை எளிமையாக புரிந்து கொள்வது எப்படி?: அஷ்டமத்து சனி, கண்ட சனி, அர்த்தாஷ்டமச் சனி என்றால் என்ன? - பரிகாரம் இதோ

பெண் ஜாதகர்களுக்கு

பெண் ஜாதகர்களுக்கு களத்திரகாரகர் செவ்வாய், செவ்வாய்க்கு திரிகோணத்தில் குரு இருக்கும் பட்சத்தில், அந்த ஜாதககார் திருமணம் செய்யும் போது, அவரின் கணவரின் வருகையால் செல்வ செழிப்பு, புகழ், தன லாபம் ஏற்படும் வாய்ப்புகள் உள்ளன.

​ஐந்தாம் விதி

பதினொன்றாம் அதிபதியும், இரண்டாம் அதிபதியும் இணைந்து அவரின் ஜாதக கட்டத்தில் எந்த இடத்தில் நின்று பொது தன காரகரான குரு பகவானின் பார்வையைப் பெறுகிறார்களோ அப்போது அந்த ஜாதகரும் மிகச் சிறந்த செல்வங்கள் பெற்று கோடீஸ்வரன் ஆகும் யோகம் உண்டு.

தன காரகன் குருவின் திரி கோணத்தில் பொருள் அணி கிரகங்களான சுக்கிரன், சனி, புதன் ஆகிய கிரகங்கள் நிற்கும் போதும் அந்த ஜாதகர் கோடீஸ்வர் ஆகும் வாய்ப்பு உண்டு.
பலன் இல்லையா?

இந்த விதிகள் எல்லாம் பொது விதிகள் தான். இந்த விதிகளில் ஏதாவது ஒரு விதி உங்களுக்கு பொருந்தியும் பணம் கிடைக்கவில்லை, பொருளாதாரம் உயரவில்லை என வருத்தப்பட வேண்டாம். ஏனென்றால் இந்த பொது விதியில் இணைவு, பார்வை, பரிவர்த்தனை மட்டும் சொல்லப்பட்டுள்ளது.

முழு பலன் கிடைக்காதவர்களுக்கு சார பரிவர்த்தனை, கிரகங்களின் சாரம் மாறி இருக்கலாம். ஒரு வேளை சுபர் பார்வை இல்லாமல், ராகு கேது பார்வை இருக்கலாம், அல்லது நவா அம்சம் நீசமாகவோ அல்லது நவா அம்சம் பகை பெற்றோ அமைந்திருந்தால் இந்த பலன் கிடைக்கத் தாமதம் அல்லது பலன் பெற கால தாமதம் ஏற்படலாம்.
வழிபாடு

பொதுவாக ஒரு குடும்பத்தின் பண சேர்க்கைக்கு, குடும்பத்தினர் வாரம் தோறும் வெள்ளி, செவ்வாய்க் கிழமைகளில் பெருமாள் கோயிலுக்கு சென்று அங்கு மகா லட்சுமிக்கு நெய் தீபம் ஏற்றி வழிபட்டு வர, அவர்களின் ஜாதகத்தில் யோகம் இருக்கின்றதோ இல்லையோ, அவர்களின் வீட்டில் செல்வ செழிப்பு மிகுந்திருக்கும்..

அதிகப்படியான பணம் இல்லாவிட்டாலும், நிறைவாக வாழக்கூடிய அளவிற்கு பொருள் சேர்க்கை இருக்கும். அதுமட்டுமல்லாமல் குடும்பத்தினர் தெய்வ வழிபாட்டை செய்து வர பண வரவை விட மன நிறைவு அதிகரிக்கும். மன நிம்மதி தான் ஒருவருக்கு மிக முக்கியமான சொத்து என்பதை உணர வேண்டும்.